Danııar Aqyshev: Teńgeniń nyǵaıýy - munaı baǵasynyń kóterilýiniń áseri
ASTANA. QazAqparat - Ulttyq bank tóraǵasy Danııar Aqyshev teńgeniń nyǵaıýyna qatysty pikir bildirdi, dep habarlaıdy «QazAqparat» HAA tilshisi.
Aıdyń basynan beri teńge 3%-ǵa nyǵaıǵan. QR Ulttyq banki óz kezeginde atap ótkendeı, baǵamǵa aralaspaýǵa tyrysady. Qarjy retteýish basshysy baspasóz máslıhatynda dollar baǵamynyń nege túsip jatqanyn jáne sáıkesinshe teńgeniń nyǵaıyp jatqany týraly aıtty.
«Teńgeniń qazir nyǵaıýy - byltyr qarashada bastalǵan munaı baǵasynyń kóterilýiniń áseri. Qazir bırjada naryqta túsimdi satyp jatqan eksportshylar tarapynan úlken saýda jasalýda, usynystar suranystan asyp jatyr, teńge nyǵaıýda. Otandyq taýar óndirýshilerdiń básekege qabiletine qalaı áser etip jatqanyna ázirge baǵa berý qıyn. Qańtardaǵy ınflıatsııa boıynsha derekterdi alý kerek», - dep túsindirdi Ulttyq bank tóraǵasy.
Sondaı-aq, Danııar Aqyshev dollarǵa shaqqanda teńge baǵamyn boljaýǵa bolatyny týraly aıtty.
«Ókinishke oraı, qoǵam aıyrbas baǵamynyń qalaı ózgeretinin bilý úshin matematıkalyq formýla jasaýǵa tyrysyp jatyr. Sizderge aıtaıyn, onyń naqty formýlasy joq. Oǵan túrli arnalar men tetikter yqpal etedi. Máselen, búgin tańǵy saǵat 10-da London bırjasynda munaı baǵasy ósse, teńge sol sátte nyǵaıady degen sóz emes. Búgin satylǵan munaı dál búgin jetkizilmeıdi. Sáıkesinshe, bul operatsııalardyń aqshalaı túsimi qazir satylmaıdy. Dál qazir, Londonda munaı baǵasy kóterilgen kezde, Qazaqstanda - KASE bırjasynda joǵarylaıdy. Mysaly, kópshiligi valıýta satyp ala alady, demek teńge baǵamy tómendeıdi. Barlyǵy Ulttyq bank kýrs aıyrbastaýǵa kedergi jasaıdy, Qazaqstan álemdik trendterden qalys qalyp jatyr degen teorııany alǵa tartýǵa tyrysýda. Bul durys emes. Teńge baǵamy munaı baǵasy men saýda saýda seriktes elderdiń valıýta baǵamynyń yqpalymen qalyptasýda», - dedi D.Aqyshev.
