Danııar Aqyshev teńgeniń álsireý sebepterin aıtty
«Teńgeniń quldyraýy - eń aldymen syrtqy faktorlardyń áseri. Birinshi kezekte, damýshy elder valıýtasynyń AQSh dollaryna qatysty baǵamy álsirep barady. Búginde AQSh FRJ (Federaldy rezerv júıesi) bul saıasatty jalǵastyryp otyr. Biz damyǵan elderdiń statıstıkasyn júıeli túrde júrgizip kelemiz. Jyl basynan beri bizdiń taýar naryǵynda belsendilik kórsetip otyrǵan elderdiń ulttyq valıýtalarynyń quny tómendegen. Atap aıtqanda Túrkııa valıýtasy - 62%-ǵa, Úndistandyki -14%, Qytaıdyki - 6%-ǵa quldyrady. Sondaı-aq, dollarǵa shaqqandaǵy ulttyq valıýta baǵamy tek damýshy elderde ǵana emes, damyǵan memleketterde de quldyraı túsken: Avstralııada - 8%, Jańa Zelandııada - 6%, Kanadada - 3%-ǵa deıin álsiredi», - dedi Danııar Aqyshev.
Teńgeniń quldyraýyna antıreseılik sanktsııa saıasaty áser etip otyr. Condaı-aq, Ulttyq bank basshysy qazaqstandyqtardy teńge qubylýy kezinde qarajatty basqa valıýtaǵa aıyrbastamaýǵa shaqyrdy.