Danııar Aqyshev teńge baǵamyna qatysty pikir bildirdi
ASTANA. QazAqparat - QR Ulttyq bankiniń tóraǵasy Danııar Aqyshev dollarǵa shaqqanda teńge baǵamynyń ózgerýine qatysty túsinik berdi, dep habarlaıdy QazAqparat.
«Erkin aıyrbas baǵamy jaǵdaıynda sheteldik valıýtalarǵa shaqqanda bizdiń teńgeniń baǵamy ishki jáne syrtqy faktorlarǵa baılanysty ekeni belgili. Shyn máninde, sońǵy birneshe kún buryn oryn alǵan oqıǵalarǵa deıin barlyq makroekonomıkalyq parametrler turaqty boldy. Birinshi kezekte munaıǵa qatysty joǵary baǵa men saýdadaǵy seriktes elderdegi turaqtylyqty baıqadyq. Ókinishke qaraı, AQSh-tyń Reseıge qatysty qosymsha jańa sanktsııalaryn engizýge qatysty oqıǵa RF qor naryǵynda qubylmalyqqa alyp keldi. Keıinnen bunyń saldary valıýta naryǵyna yqpal etti. Reseı bizdiń saýda seriktesimiz. Biz EAEO-ǵa qatysýshy elder bolyp sanalamyz. Árıne, bul baǵyttaǵy úrdister áser etpeı qoımaıdy», - dedi Aqyshev Májilistiń jalpy otrysynan keıin jýrnalısterge.
Onyń sózine qaraǵanda, sońǵy eki kúnde reseılik rýbl AQSh dollaryna qaraǵanda nomınaldyq mánde shamamen 10 paıyzǵa, al teńge búgingi tańǵy sessııany eskere otyryp 3 paıyzǵa álsiredi.
«Bul óz kezeginde baǵamnyń ózgerýi tepe-teń bolmaıtynyn ańǵartyp otyr jáne ol mindetti emes. Teńge eshqashan rýblge baılanbaǵan. Biz bir-birimizge yqpal ete alamyz, alaıda tikeleı baılanyp turǵan joqpyz», - dep túsindir Ulttyq bank basshysy.
«Nelikten Reseıde rýbl jyldam ózgeredi, al bizde (teńge baǵamy) bul úrdis nege báseńdeý? Birinshiden, Qazaqstan eshbir jaqtan santsııalarǵa kirip otyrǵan joq, ıaǵnı tikeleı ári janama túrde bizge qatysy joq. Biz álemniń barlyq elderimen turaqty qatynastamyz. Sáıkesinshe, qazaqstandyq kompanııalarǵa nemese elimizdiń ózine qandaı da bir sanktsııalar qoıylmaǵan», - dedi Aqyshev.
Sonymen qatar UB basshysy el ekonomıkasyndaǵy protsesterge toqtaldy.
«Ekinshiden, reseılik rýbldiń mańyzy bar, alaıda ol jalǵyz faktor emes. Osy oraıda munaı naryǵynda ne bolyp jatqanyna qarańyzdar. Kesheden beri munaı baǵasy barelline 70 AQSh dollarynan asyp otyr. Shyn máninde bul óte joǵary deńgeı jáne ol bizge jaqsy tólem balansyn ıelenýge múmkindik beredi. Sonymen qatar negizgi makroekonomıkalyq kórsetkishter boıynsha jaqsy qarqyndy qamtamasyz etedi. ıAǵnı, bizde joǵary ekonomıkalyq ósim saqtalyp otyr. Ózderińiz bilesizder, 2017 jyldyń qorytyndysy boıynsha ósim 4 paıyzdy qurady. Sonymen qatar, bıylǵa da óte jaqsy boljam jasalǵan. Buǵan qosa, bizde jaqsy tólem balansy baıqaldy, onyń kórsetkishi 2017 jyldyń tórtinshi toqsanynda eleýli túrde jaqsardy. Bul rette, valıýta baǵamyna yqpal etetindeı teńgerimsizdik týyndamaıdy. Bizde ınflıatsııa tómendep keledi. Sondyqtan da osy jaǵdaılarda teńgege qatysty rýbl tikeleı ári tepe-teń túrde áserin tıgizbeıdi», - dep túsindirdi Aqyshev.
