Danııar Aqyshev saqtandyrý naryǵyn jetildirý týraly aıtty
Onyń sózine qaraǵanda, azamattyq-quqyqtyq jaýapkershilikti, avtokólikti jáne ómirdi erikti saqtandyrý jaqsy damyp keledi. Sońǵy 5 jylda saqtandyrý syıaqysy eki eseden astamǵa artqan.
QR Ulttyq bank basshysynyń aıtýynsha, Qazaqstannyń saqtandyrý naryǵyn odan ary jetildirý maqsatynda Ulttyq bank 2017 jyly «Qazaqstan Respýblıkasynyń keıbir zańdylyq aktilerine saqtandyrý jáne saqtandyrý qyzmetteri máseleleri boıynsha ózgertýler men qosymshalar engizý týraly» zańnyń jobasyn jasap, Parlamenttiń qaraýyna engizgen.
«Zań jobasynda onlaın-saqtandyrýdy engizýdiń quqyqtyq negizderin jasaý máselesi qaralǵan. Ol saqtandyrý qyzmetteriniń qunyn azaıtyp, geografııalyq qoljetimdiligin keńeıtýge jaǵdaı jasaıdy. Onlaın-saqtandyrýdyń basty tetigi Saqtandyrý kelisimderi jónindegi biryńǵaı saqtandyrý derekter qory bolyp tabylady», - dedi D. Aqyshev «QazAqparat» HAA tilshisine bergen suhbatynda.
Sonymen qatar bas qarjyger saqtandyrý qyzmetterin tutynýshylardyń quqyqtaryn qorǵaýdy kúsheıtý úshin zań jobasynda saqtandyrý naryǵynyń ınfraqurylymyn damytý boıynsha da birqatar sharalar kesheni qarastyrylǵanyn jetkizdi.
Foto: gainerfinancial.com