Danııar Aqyshev: Oqýshynyń mekteptegi sabaqqa degen yntasy bolashaq mansabyna áser etedi
ALMATY. QazAqparat - Ulttyq bank tóraǵasy Danııar Aqyshev Kapital.kz portalyna bergen onlaın-konferentsııada jeke basyna qatysty birqatar suraqtarǵa jaýap berdi, dep habarlaıdy «QazAqparat» tilshisi.
Bas bankır oqýshy kezinde geometrııa jáne algebra pánin jaqsy kórip oqyǵanyn jáne eseıgende Alataýda serýendegendi unatqanyn aıtty.
«Men qyzyǵyp oqıtyn birneshe pán boldy. Sonyń ishinde, geometrııa, algebra, fızıka, hımııa pánderi erekshe unaıtyn», - dedi Danııar Aqyshev.
Sonymen qatar, ol qoly qalt etkende sportpen shuǵyldanatynyn aıtty.
«Osydan 10 jyl buryn Іle jáne Kúngeı Alataýynda serýendeıtin edim. Jalpy, men oqýshynyń mektep qabyrǵasynda sabaqqa degen yntasy bolashaq mansabyna áser etedi dep esepteımin. Sondyqtan, men úzdik oqýshylar jaǵyndamyn», - dedi UB tóraǵasy.
