Danııar Aqyshev QazAqparattyń sheteldegi oqyrmandarynyń saýalyna jaýap berdi
Jaqyn bolashaqtaǵy otandyq ekonomıkanyń damý boljamy týraly suraqqa Danııar Aqyshev 2018 jylǵa qaraı eldegi ekonomıkalyq ósim 3 paıyz mólsherinde boljanatynyn, atalǵan kórsetkish qosymsha kózder tabylsa budan da joǵary bolatynyn jetkizdi.
Sonymen qatar, Danııar Aqyshev QR UB barlyq boljamdardy óziniń resmı saıtyna jarııalap otyratynyn jáne kez kelgen qoldanýshyǵa qol jetimdi ekendigin aıtty.
Jeke tulǵalardyń depozıtteri týraly suraqqa Danııar Aqyshev jalpy kólemi 16,7 trıllıon teńgeni (15 mlrd dollar) quraıtyn depozıtterdiń ulttyq valıýtada teń jartysy saqtalǵanyn aıtty. 2 jyl buryn bul kórsetkish 30 paıyz kóleminde ǵana bolǵan.
Tóraǵanyń aıtýynsha, mundaı progresske Ulttyq bank júrgizgen monetarly saıasat jáne qundy qaǵazdardyń syrtqy naryqtaǵy turaqtylyǵy men ulttyq valıýta baǵamy arqyly qol jetkizilgen.
