Danııar Aqyshev qazaq-ózbek bankteriniń baılanysy týraly aıtty
«Qazaqstandyq bankterdiń ózbek naryǵyndaǵy bolashaǵy - ár qarjylyq ınstıtýttyń bıznes modeliniń máselesi. Halyq bankiniń osy baǵytta kórsetip jatqan qyzyǵýshylyǵy basqa da bankterge jol ashatynyna senemin», - dedi Danııar Aqyshev jýrnalısterge QR Ulttyq banki men Ózbekstan Ortalyq banki arasyndaǵy ózara is-qımyl týraly kelisimge qol qoıý barysynda.
Ulttyq bank tóraǵasy Ózbekstanda júrgizilip jatqan reformalardy eskere otyryp, otandyq bankterge sol elde jumys jasaý tájirıbesin ulǵaıtatynyna senim bildirdi.
«Naryqtyń kólemdiligi, qarjylyq qoljetimdilik, barlyq faktorlar bul naryqtyń perspektıvasy óte úlken ekenin kórsetedi», - dedi ol.
Qol qoıylǵan qujatqa sáıkes qos tarap bank salasyndaǵy ózgerister men reformalar, zań-normatıvtik retteý máseleleri boıynsha aqparat almasa alady.
Atap aıtqanda, qazaqstandyq bankter barlyq talaptardan shyǵyp jatsa, Ózbekstan aýmaǵynda transshekaralyq uıym qura alady.
