Danııalyq kásipkerler Almaty oblysynda sút ónimderin óndirýge qyzyǵýshylyq tanytty
ALMATY. QazAqparat - Búgin Almaty ákimdiginde Danııa Koroldiginiń Reseı Federatsııasy jáne Qazaqstandaǵy elshisi Tomas Vınkler bastaǵan bıznes-delegatsııamen kezdesý ótti.
Kezdesý barysynda qonaqtar Almaty men Danııa Koroldigi arasyndaǵy yntymaqtastyqtyń qarqyndy túrde damyp jatqandyǵyn atap ótti. Aıta ketelik, búgingi tańda Almatyda dat kapıtaly qatysqan 24 kásiporyn tirkelgen.
Kezdesý barysynda Tomas Vınkler Almatynyń ınvestıtsııalyq tartymdylyǵy jaǵynan áleýeti óte joǵary ekendigin aıtty.
«Almaty ekonomıkalyq jáne ındýstrıaldy-ınnovatsııalyq damý jaǵynan joǵary kórsetkishterge qol jetkizdi. Qalada qazirgi tańda kóptegen bıznesalańdar jumys isteıdi. Olar otandyq jáne shet eldik kapıtaldyń qatysýymen jańa kásiporyndar qurýǵa múmkindik beredi», - dedi Danııa Koroldiginiń elshisi.
Almaty qalasy ákimi baspasóz qyzmetiniń málimdegenindeı, danııalyq tarap Almatydaǵy ınvestıtsııalyq saıasatyn odan ári jalǵastyrmaq nıette. Qonaqtar aýyl sharýashylyǵynyń, energetıka jáne joǵary tehnologııalardy damytýǵa óz úlesterin qosýǵa múddeli bolyp otyr.
Mysaly, danııalyq bıznes-delegatsııa Almaty oblysynda shoshqa ósirý sharýashylyǵy, sút ónimderi óndirisi jáne balyq shıkizatyn qaıta óńdeý salasyna ınvestıtsııa jumsaýǵa erekshe qyzyǵýshylyq tanytty.
