Danııalyq dańqty shahmatshy Bent Larsen dúnıeden ozdy
ASTANA. Qyrkúıektiń 11-i. QazAqparat - Danııanyń eń kúshti shahmatshysy sanalatyn Bent Larsen 75 jasynda dúnıeden ozdy. Bul týraly álemdik sporttyq basylymdar habarlaýda.
Danııanyń Shahmat odaǵynan habarlaǵandaı, Larsen uzaqqa sozylǵan naýqastan beısenbi kúni kóz jumǵan. Shahmatshy ómiriniń sońǵy kúnderin Býenos-Aıreste ótkizgen bolatyn.
Larsen - ótken ǵasyrdyń 60-80 jyldaryndaǵy álemniń eń kúshti shahmatshylarynyń biri. Ol 1965, 1968, 1971 jáne 1977 jyldardaǵy álem chempıonattaryna qatysqan. Onyń qarsylastarynyń qatarynda Borıs Spasskıı, Bobbı Fısher bolǵan. Sportshy sondaı-aq, 1970 jyly KSRO komandasymen bolǵan «Ǵasyr kezdesýinde» álem quramasyna jetekshilik etken bolatyn, dep habarlaıdy «Sovetskıı sport» basylymy.
