Danııalyq akter aýyz bekitý úshin Túrkııaǵa keldi
ASTANA. QazAqparat - Ótken jyly Danııada musylmandardyń ystyq yqylasyna bólenip, oraza ustaǵan akter Rasmýs Elton bıyl Túrkııada aýyz bekitetin boldy, dep habarlady muslim.kz.
Akter Ramazandy Túrik elinde qarsy alyp, osy elde shyǵaryp salýdy josparlapty. Bul elge kelip 30 kún oraza ustaýǵa nıettengen Elton, mundaǵy musylmandardy jáne Islamdy jaqynnan tanyǵysy keletinin jasyrmady. Sonymen qatar, Elton Pákistandyq prodıýser ári rejısser Asyl Iqbal basshylyq jasap túsirilip jatqan Ramazan týraly derekti fılmge qatysady.
Elton óziniń bir sózinde bylaı deıdi: «Orazadan kóp nárse úırendim. Tamaǵy joq adamdardyń halderin túsindim. Islam týraly, musylmandar jaıly kóp nárse bildim. Osy jyly da kóptegen jaqsy dúnıelerdi úırenýge tyrysamyn».
