Danııalyq 51 jastaǵy áıeldi zorlady degen kúdikpen 15 adam ustaldy
ASTANA. 15 qańtar. QazAqparat - Nıý-Delı ortalyǵynda 51 jastaǵy áıeldi birneshe erkek zorlap ári tonap ketken. Bul qylmysqa kúdikti 15 adam ustaldy,
dep habarlady Reseıdiń «Jańalyqtar» aqparat agenttigi Úndistannyń NDTV telearnasyna silteme jasap.
Oqıǵa qala ortalyǵyndaǵy Konnat-pleıs aýdanynda oryn alǵan. Qonaq úıge qaıtyp kele jatqan áıel adasyp ketken kórinedi. Jolda kezdesken erkekten jol suraǵan ony adam aıaǵy sırek tasa jergen aparǵan birneshe adam zorlap, iPad-y men aqshasyn tartyp alǵan.
Osy jaıttan keıin medıtsınalyq tekserýden bas tartqan danııalyq búgin tańerteń eline ushyp ketken. Degenmen atalǵan is boıynsha qylmystyq is qozǵaǵan polıtsııa kúdikti retinde 15 adamdy tutqynǵa aldy.
Aıta keterligi, Úndistandaǵy áıel qaýipsizdigi 2012 jyldyń jeltoqsan aıynan beri jergilikti jáne sheteldik BAQ-tyń jiti nazarynda. Óıtkeni, sol jyly Delıde bir boıjetken aıýandyqpen zorlyq-zombylyqqa ushyrap, buǵan halyq jappaı narazylyq tanytqan-dy. Al 2013 jyldyń qyrkúıeginde atalǵan iske qatysy bar 4 adam ólim jazasyna kesilgen bolatyn.
