Danııal Sábıt Strandja týrnırinde qorjynǵa tórtinshi altyndy saldy

ASTANA. KAZINFORM — Qazaqstandyq Danııal Sábıt (50 keli) Bolgarııa astanasy Sofııa qalasynda ótip jatqan halyqaralyq Strandja týrnırinde el quramasy qorjynyna tórtinshi altyn saldy.

Halyqaralyq týrnırde otandasymyz bas júldeni ázerbaıjandyq Bılalhabashı Nazarovpen sarapqa saldy.

Óte tartysty ótken jekpe-jektiń taǵdyry sheshýshi raýndta sheshilip, otandasymyz 3:2 esebimen jeńisti julyp aldy.

Qazaqstandyq bylǵary qolǵap sheberi ¼ fınalda túrkııalyq Ýlas ıAlchınkaıany 5:0 esebimen jeńse, ½ fınalda jaraqatyna baılanysty jekpe-jekten bas tartqan ózbekstandyq Asılbek Jalılovty orta jolda qaldyrdy.

Qazirge deıin halyqaralyq týrnırde Elına Bazarova (54 keli), Nadejda Rıabets (80 keli), Valerııa Aksenova chempıondyq tuǵyrǵa kóterilse, Laýra Esenkeldi (65 keli) kúmis júldeger atandy.

Endi erler quramasynan Farýh Toktasynov (70 keli) AQSh ókili Lavant Broýnlımen qolǵap túıistiredi.

23 aqpan-2 naýryz aralyǵynda bolyp jatqan týrnırge 36 elden 300-den astam boksshy keletini naqtylandy. Olardyń arasynda Bolgarııadan bólek Qazaqstan, Ózbekstan, AQSh, Kýba, Ázerbaıjan, Brazılııa, Ýkraına, Mońǵolııa, Anglııa, Túrkimenstan, Qytaı Taıpeıi jáne ózge memleketter bar.