Danııadaǵy Túrkııa elshiliginiń aldynda Quran órteldi
Sársenbi kúni «Danske Patrioter» antııslamdyq jáne ýltraultshyl tobynyń (Dat patrıottary) músheleri Kopengagende musylmandardyń qasıetti kitabyna qarsy arandatý jasady.
Arandatýshylar toby ıslam dinine til tıgizetin sózderdi urandatyp, keıin Kopengagendegi Túrkııa elshiligi ǵımaratynyń aldynda Qurannyń kóshirmesin jaǵyp jiberdi. Olar ıslamǵa qarsy sózder jazylǵan transparanttar kóterip, túrik taýarlaryna boıkot jarııalaýǵa shaqyrdy.
Aktsııa polıtseılerdiń baqylaýymen ótti.
Aıta keteıik, 27 shildede Danııadaǵy Irak elshiliginiń aldynda Quran órtelgen bolatyn. Al 28 shildede «Danske Patrioter» ońshyl radıkal toptyń ókilderi Kopengagendegi Mysyr men Túrkııa elshilikteriniń janynda qasıetti kitapty jaǵyp jiberdi.
Dál osyndaı provokatsııa shildeniń sońǵy kúninde Shvetsııada ótti. Parlament ǵımaratyna jaqyn jerde Irak mıgranttary Salvan Momıka men Salvan Nadjem Qurandy órtedi.
Qazir Danııa men Shvetsııa úkimetteri sóz jáne pikir erkindigi prıntsıpterin buzbaı, Quran men ózge de dinı mátinderdi kópshilik aldynda jaǵý aktsııalaryna qalaısha tyıym salýǵa bolatynyn oılastyryp jatqany habarlandy. Keıingi ýaqytta osyndaı aktsııalar atalǵan elderge aıtarlyqtaı problema týyndatyp otyr.
Qazaqstan Prezıdenti Qasym-Jomart Toqaev birqatar elde Qurandy órteý aktilerine qatysty pikir bildirip, mundaı oqıǵalar jalpyǵa ortaq normalarǵa qaıshy keletin aktsııalar retinde biraýyzdan aıyptalýǵa tıistigin atap ótti.
BUU Bas Assambleıasy qasıetti kitaptardy qorlaýǵa qatysty kez kelgen aktilerdi aıyptaıtyn jáne mundaı áreketterdi halyqaralyq quqyq normalaryn buzý dep tanıtyn qaýly qabyldady.
Keıin Eýropa odaǵynyń Syrtqy ister jáne qaýipsizdik saıasaty jónindegi joǵarǵy ókili Jozep Borrel sársenbi kúni musylmandardyń qasıetti kitaby Qurannyń órtelýine qatysty málimdeme jasady.
