Danııadaǵy saılaýda solshyl ortalyq blok az ǵana aıyrmashylyqpen jeńiske jetti
ASTANA. KAZINFORM — Danııadaǵy parlamenttik saılaý nátıjesinde solshyl ortalyq blok ońshyl ortalyqtan sál basym bolyp, jeńiske jetti, dep habarlaıdy Report.
Nátıjelerge sáıkes, sol (qyzyl) blokta — 179-dan 83 mandat, oń jaqta (kók) — 78 mandat bar. Úkimetti qurý úshin eki koalıtsııa da 14 orynǵa ıe bolǵan qalypty partııanyń qoldaýyn qajet etedi.
Saılaýshylardyń eń kóp qoldaýyna sotsıal-demokrattar ıe boldy — 21,9% daýys.
Eń iri ońshyl partııa — lıberaldar («Venstre») — 10,1% jınady. Saılaýǵa qatysý — 84 paıyz.
Aıta keteıik, 6 mıllıon halqy bar Danııada azamattar 179 orynnan turatyn parlament — Folketıng depýtattaryna daýys berdi. Jalpyulttyq saılaýda Grenlandııa men Farer araldarynan eki-ekiden ókil saılanady.
