Danııada Jánibek Álimhanulynyń jekpe-jegine 10 myń kórermen jınalýy múmkin
ASTANA. KAZINFORM — Danııalyq boksshy ıAkob Bank Jánibek Álimhanulymen óz elinde jekpe-jek ótkizý múmkindigi týraly pikir bildirdi, dep habarlaıdy Sports.kz.
— Álem chempıony ataǵy úshin jekpe-jek ótkizý — bala kezimnen bergi eń úlken armanym. Alaıda bul aıqasty Danııada ótkizý odan da úlken arman. Onyń júzege asý múmkindigi joǵary dep oılaımyn. Osy ýaqytqa deıin Koldıngte 4 myń kórermenniń aldynda judyryqtastym. Biraq bul jekpe-jekke eki ese kóp kórermen jınalatynyna senimdimin. Sondyqtan shamamen 10 myń adam syıatyn arena qajet bolýy múmkin. Bul jekpe-jektiń promoýterler úshin de ekonomıkalyq turǵydan tıimdi bolýy mańyzdy. Degenmen, bul másele tolyqtaı meniń qolymda emes, — dedi Bank.
Bul týraly ıAkobtyń promoýteri Kasper Holgersen de pikir bildirdi.
— Qazirdiń ózinde shetelde teletranslıatsııa quqyǵyn qanshaǵa satýǵa bolatynyn, Danııadaǵy translıatsııa quqyqtaryn qalaı paıdalanýǵa bolatynyn jáne búgin túnde jasaǵan bıýdjetimizge sáıkes keletin qandaı arenalar bar ekenin anyqtap jatyrmyz. Men keminde 5 myń kórermen syıatyn arena tapqym keledi. Biraq ol tym úlken bolmaýy kerek, áıtpese zaldy toltyra almaı qalýymyz múmkin. Sondyqtan qarjylyq jaǵynan qoljetimdi ári tolyqtaı kórermenmen toltyryp, keremet atmosfera qalyptastyrýǵa bolatyn arena qajet, — dedi ol.
Jánibek Álimhanuly men ıAkob Bank arasyndaǵy jekpe-jekte WBO nusqasy boıynsha sýperorta salmaqtaǵy bos turǵan álem chempıony ataǵy sarapqa salynady.
Buǵan deıin qazaqstandyq boksshy Jánibek Álimhanuly kezekti jekpe-jegin jeńilip kórmegen danııalyq boksshy ıAkob Bankke qarsy ótkizýi múmkin ekenin habarlanǵan bolatyn.
