Danııada vıkıngterdiń qorǵany tabyldy
ASTANA. QazAqparat - Danııalyq arheologtar Kege qalasynyń batysyndaǵy Zelandııa aralynan vıkıngterdiń qorǵanyn tapty. Qurylys dóńgelek pishimdi, jalpy uzyndyǵy 10 metr, qorshaýy ushtalǵan bórenelermen bekitilgen.
Búgingi kúnge deıin Danııa aýmaǵynda tórt qorǵan tabylǵan bolatyn. Biraq olardyń eshqaısysy da buǵan uqsamaıdy. Sondyqtan mamandar jádigerdi biregeı dep baǵalaýda jáne tarıh oqýlyǵyna kiretinine senimdi.
Budan buryn Danııada soltústik ıÝtlandııadaǵy Aggersborg pen Fıýrkat, batys Zelandııadaǵy Trelleborg, Odensa mańyndaǵy Fıýndaǵy Nonnebakkende qorǵandar tabylǵan bolatyn.
Olardyń sońǵysy 60 jyl buryn qazyldy.
Valle Borgrıng ataýyn alǵan jańa qorǵan aýmaǵy boıynsha bes bekinistiń úshinshisi bolyp tabylady, onyń dıametri - 145 metr. Ǵalymdar ázirge onyń qaı ǵasyrǵa jatatyndyǵyn naqty anyqtaǵan joq. Alaıda onyń jasy budan buryn tabylǵan qurylystar sııaqty shamamen 1 myń jyl dep boljanýda. Ol kezde Danııany korol Harald Sınezýbyı (930-986 jj) basqarǵan.
