Danııada tońazytqyshta bosqyn áıel men onyń eki balasynyń deneleri tabyldy
ASTANA. QazAqparat - Danııanyń polıtsııa qyzmeti eldiń ońtústigindegi Obenro qalasynda bolǵan jantúrshigerlik oqıǵa jóninde habarlady.
Sırııalyq bosqyndar turyp jatqan úılerdiń birinen úsh adamnyń - áıel men onyń eki balasynyń deneleri tabyldy, dep habarlaıdy QazAqparat newsru.com saıtyna silteme jasap.
Habarlanǵandaı, olardyń máıitteri muzdatqysh kamerasynda bolǵan.
Marqum áıeldiń týystary onymen birneshe kún boıy habarlasa almaǵandyǵyn aıtqannan keıin, polıtseıler 30 qazan kúni oqıǵa bolǵan úıge tintý júrgizýge kelgen.
27 jastaǵy bosqyn áıel men onyń 7 jáne 9 jastaǵy qyz balalary óltirilgendigi anyqtaldy. Qylmysty kim jasaǵany belgisiz, tergeý jumystary júrýde.
Habarlanǵandaı, olar Danııaǵa 2015 jyly otaǵasymen birge bas saýǵalap kelgen, qazir onyń qaıda ekeni belgisiz. Otbasy músheleri Danııada bosqyndar mártebesin alǵan. Ózge málimetter aıtylmaǵan.
BAQ aqparattaryna sáıkes, ótken jyly Danııa 21 myń bosqyndy qabyldady. Al 2016 jyldyń basynda Germanııamen shekarada baqylaýdy kúsheıtkennen keıin elge aǵylǵan bosqyndar sany kúrt azaıdy.
