Danııada saqtaý merzimi ótip ketken azyq-túlik dúkenderi ashylýda
ASTANA. QazAqparat - Kopengagende WeFood saýda jelisiniń alǵashqy saqtaý merzimi ótip ketken azyq-túlik dúkeni ashyldy. Danııa bıligi qaldyqtar problemasymen osyndaı jolmen kúrespek, dep habarlaıdy Rosbalt.
Bul elde jyl saıyn 700 myń tonnaǵa jýyq azyq-túlik tastalady. WeFood jelisiniń ashylýynan keıin bul kórsetkish aıtarlyqtaı tómendeýi tıis.
Saýda mekemesinde tek saqtaý merzimi ótip ketken nemese búlingen taýarlar ǵana satylady, olardyń baǵasy bastapqy baǵasynyń 50-70 paıyzyn qurap otyr. Turaqty satyp alýshylardyń arasynda aqshasyn únemdep qalǵysy keletinder ǵana emes, ekologııa máselelerine nemquraıly qaramaıtyn jaýapty azamattar da bar.
