Danııada ótken kásibı sheberlik chempıonatynda Qazaqstan quramasy 7 marapat aldy
ASTANA. KAZINFORM — Qazaqstannyń ulttyq quramasy Danııada ótken IX Eýropalyq kásibı sheberlik chempıonatynda – EuroSkills Herning 2025 jarysynda buryn-sońdy bolmaǵan jetistikke qol jetkizdi. Qazaqstandyq stýdentter birden 7 «Úzdik medalon» ıelendi. Bul týraly dep QR Oqý-aǵartý mınıstrliginiń baspasóz qyzmeti málim etti.
Chempıonatqa 32 elden 25 jasqa deıingi 600 úzdik jas maman qatysty. Qazaqstandyq kolledj stýdentteri 25 quzyret boıynsha baq synady. Olardyń qatarynda veb-tehnologııalar, mehatronıka, CAD ınjenerlik grafıkasy, jelilik ákimshilendirý, grafıkalyq dızaın, dánekerleý tehnologııasy, meıramhana servısi, kondıterlik is, avtomehanıka jáne basqa da baǵyttar bar.
Jarys qorytyndysy boıynsha ulttyq qurama tómendegi quzyretter boıynsha joǵary nátıje kórsetti:
Veb-tehnologııalar — Muhametjan Aǵybaı (Astana q., ASTANA POLYTECHNIC joǵary kolledji). Sonymen qatar Qazaqstannyń Best of Nation — «Úzdik ókili» atandy.
Mehatronıka (toptyq jumys) — Artem Mochınskıı (ShQO, Óskemen joǵary polıtehnıkalyq kolledji) jáne Danıl Týrapın (Astana q., Joǵary polıtehnıkalyq kolledj).
Grafıkalyq dızaın — Baǵyjan Qoıshybaev (Aqtóbe q., Joǵary polıtehnıkalyq kolledj).
Jelilik jáne júıelik ákimshilendirý (toptyq jumys) — Danıl Lapenko (Astana q., Joǵary polıtehnıkalyq kolledj túlegi) jáne Gleb Saýlenko (Qostanaı obl., Avtomobıl kóligi kolledjiniń túlegi).
CAD ınjenerlik dızaın — Baqdaýlet Qýanysh (Atyraý obl., S. Muqashev atyndaǵy polıtehnıkalyq joǵary kolledj).
Ulttyq quramany oqý-aǵartý mınıstri Ǵanı Beısembaev jeńisimen quttyqtady.
— Bul jetistik tehnıkalyq jáne kásiptik bilim berý júıesiniń jańa deńgeıge kóterilgenin aıǵaqtaıdy. Jumysshy mamandyqtar jyly biz qazaqstandyq kolledjderdiń zamanaýı kadr daıarlaý ortalyqtaryna aınalyp kele jatqanyn, al stýdentterimizdiń halyqaralyq arenada bákege qabiletti ekenin kórip otyrmyz. Stýdentterdi, pedagogterdi, sarapshylar men tálimgerlerdi tarıhı jeńispen quttyqtaımyn, — dedi mınıstr.
Eske sala keteıik, Eýropalyq olımpıadada qazaqstandyq oqýshylar tórt júlde ıelengen bolatyn.