Danııada Ońtústik Koreıa prezıdenti qurbysynyń qyzy ustaldy
ASTANA. QazAqparat - Danııalyq polıtsııa Chýn ıÝ Ra - sybaılas jemqorlyq jasady dep aıyptalyp jáne eldiń prezıdenti Pak Kyn Hege yqpalyn júrgizgen Seýldegi sot úrdisi qozǵalyp jatqan ońtústikkoreıalyq saıası daýdyń sebepshisi Chhve Sýn Sıldiń qyzyn ustady, dep habarlaıdy dw.com.
Ońtústik Koreıanyń shabandozy Germanııada jattyqtyrýshy bolyp jumys jasaıtyn Chýn ıÝ Rany anasymen sybaılasyp qylmys jasady degen kúdikpen qamaýǵa almaqshy. Ońtústikkoreıalyq bıliktiń málimeti boıynsha, áıeldi Danııanyń Olborg qalasynda zańsyz júrgeni úshin ustaǵan.
Seýl prokýratýrasy ókilderiniń aıtýynsha, Ońtústik Koreıanyń bıligi eýropalyq bılikpen yntymaqtastyq ornatyp, Chýn ıÝ Rany bir nemese eki aptanyń ishinde eline ekstradıtsııalamaqshy. Chýn ıÝ Ranyń anasy prezıdentpen dostyǵyn paıdalana otyryp ońtústikkoreıalyq kompanııalarǵa qaıyrymdylyq uıymdaryna qyrýar qarjyny aýdarýǵa májbúrlegen. Sondaı-aq, oǵan úkimettiń jumysyna teris yqpal etti dep aıyp taǵylýda.
Chhve Sýn Sıl isi iri saıası daǵdarysqa, Ońtústik Koreıanyń tarıhynda alǵash ret 64 jastaǵy prezıdent Pak Kyn Heni bılikten ketýin talap etken buqaralyq narazylyqtarǵa ákelip soqtyrǵan. 9 jeltoqsan kúni eldiń parlamenti ony ornynan ketýge daýys berdi, al bul sheshimdi Konstıtýtsııalyq sot qarap jatyr.
