Danııada kómirqyshqyl gazyn saqtaıtyn qoıma ashyldy

ASTANA.QazAqparat - Danııada álemdegi alǵashqy transshekaralyq CO2 qoımasy ashyldy, dep habarlaıdy QazAqparat Euronews-ke silteme jasap.

Bastapqyda joba aıasynda ónerkásiptik protsesterden kómirtekti alý, tasymaldaý jáne saqtaý tehnologııasyn qoldana otyryp, Soltústik teńiz túbinen 2 shaqyrymǵa jýyq tereńdikte ornalasqan qoımaǵa 1,5 mıllıon tonna parnıktik gaz kómiledi.

«Bul atap aıtýǵa turarlyq oqıǵa. Bul Eýropa tarıhyndaǵy transshekaralyq yntymaqtastyq salasyndaǵy sátti oqıǵa. Belgııada jáne kóp uzamaı Germanııada alynatyn CO2 Antverpen-Brıýgge portyndaǵy kemelerge tıeledi jáne Danııada kómiledi», - dedi ashylý saltanatynda Ýrsýla Fon der Lıaıen.BUU-nyń Klımattyń ózgerýi jónindegi keńesi jahandyq jylynýmen kúresýdiń yqtımal sheshimderiniń quramdas bóligi retinde kómirtegi qoımasyn qurýdy da qoldady. Biraq synshylar bul tehnologııa synaqtan ótpegen jáne ol klımatty qorǵaý men qazbaly otyndy kezeń-kezeńimen toqtatý ambıtsııasyn tómendetedi deıdi.