Danııada Eýropalyq saıası qaýymdastyqtyń jetinshi sammıti ótti

ASTANA. KAZINFORM — Kopengagende Eýropanyń 40-tan astam memleketiniń jáne EO-ǵa kórshi elderdiń lıderleri jınaldy, dep habarlaıdy Kazinform agenttiginiń menshikti tilshisi.

Eýropalyq saıası qaýymdastyq alǵash ret 2022 jyly Frantsııa prezıdenti Emmanýel Makronnyń bastamasymen quryldy. Oǵan derlik barlyq eýropalyq elder kiredi jáne onyń maqsaty — Eýropalyq Odaq pen oǵan kirmeıtin elder arasyndaǵy, ásirese qaýipsizdik pen qorǵanys salasyndaǵy yntymaqtastyqty damytý.

Bul — beıresmı, bir kúndik sammıtter. Olarǵa Islandııadan bastap Ázerbaıjanǵa, Fınlıandııadan Portýgalııaǵa deıingi 45-ten astam eldiń basshylary shaqyrylady. Alǵashqy kezdesý 2022 jyldyń qazan aıynda Pragada ótti.

Eýropalyq saıası qaýymdastyqtyń basty mindetteri: Eýropadaǵy qaýipsizdikti nyǵaıtý; energetıkalyq daǵdarystarǵa birlesip áreket etý; ınfraqurylymdyq jáne tasymaldaý baılanystaryn damytý; demokratııalyq qundylyqtar men halyqaralyq quqyqty qoldaý.

Bıyl da Frantsııa prezıdenti Emmanıýel Makron Italııa premer-mınıstri Djordjııa Melonımen birge esirtki saýdasyna qarsy kúreske arnalǵan jańa bastamany jarııalady.

— 35 memleket pen úkimet basshylary kúsh biriktirip, birlesken áreket pen naqty sharalar qabyldap jatyr. Birikken Eýropa qorǵaıdy, — dep jazdy Frantsııa prezıdenti áleýmettik jelidegi paraqshasynda.

Esterińizge sala keteıik, budan buryn Kopengagende ótetin Eýropalyq odaq sammıtiniń qarsańynda Danııa bıligi el aýmaǵynda azamattyq ushqyshsyz ushý apparattarynyń (drondar) ushýyna ýaqytsha tyıym saldy.