Danııada áıelder de áskerı boryshyn óteýge mindetteldi

ASTANA. KAZINFORM – 1 shildeden bastap kámelettik jasqa tolǵan dat áıelderi áskerı qyzmetke shaqyrylady. Danııada áskerı qyzmetke shaqyrý eriktilerdiń jetispeıtindikten, solardyń ornyn toltyrý úshin lotereıa júıesi arqyly júzege asyrylady. Bul týraly DW jazdy. 

Данияда әйелдер де әскери борышын өтеуге міндеттелді
Фото: DW

Danııa úkimeti áıelder úshin mindetti áskerı qyzmetti engizip otyr. 18 jasqa tolǵan dat áıelderi áskerı qyzmetke shilde aıynyń basynda shaqyrylatyn bolady. Buryn josparlanǵannan áldeqaıda erterek kirisýi múmkin, dedi Koroldiktiń qorǵanys mınıstri Troels Lýnd Poýlsen.

— Qorǵanys saıasaty men qaýipsizdik salasyndaǵy aǵymdaǵy jaǵdaıdy eskere otyryp, qarýly kúshter áskerge kóbirek shaqyrylǵandardy tartýy kerek, — dedi ol. 

Mınıstrdiń aıtýynsha, 2025 jyldyń 1 shildesinen bastap áskerı qyzmetke shaqyrý máselesinde erler men áıelderdiń tolyq teńdigine qol jetkizý osyǵan baılanysty mańyzdy sıgnal bolmaq.

Bastapqyda dat áıelderi 2027 jyldan bastap áskerı qyzmetke shaqyrylady dep josparlanǵan bolatyn. Sol sheshimmen mindetti áskerı qyzmet merzimi tórt aıdan on bir aıǵa deıin uzartyldy. Áıelder qazir Danııa qarýly kúshterinde tek erikti túrde qyzmet etedi.

Danııada mindetti áskerı qyzmetke shaqyrý eriktilerdiń jetkilikti sany alynǵan jaǵdaıda ǵana júzege asyrylady. Naqty kim shaqyrylatynyn jyl saıynǵy lotereıa anyqtaıdy, dep jazady AFP.

Eske sala keteıik, buǵan deıin Danııa memleketi álemdegi eń baqytty elderdiń tiziminde ekinshi orynda ekenin jazǵan bolatynbyz.  

Сейчас читают