Danııada anadan balaǵa AITV men sıfılıs juǵýy tolyq toqtatyldy

ASTANA. KAZINFORM — Danııa Eýropalyq Odaqtaǵy birinshi el bolyp analardan balalarǵa AITV (adam ımmýn tapshylyǵy vırýsy — red.) jáne sıfılıs juǵýyn tolyq toqtatty, dep habarlaıdy AZERTADJ.

Ekstra Bladet usynǵan Statens Serum Institut málimetine sáıkes, birneshe jyl boıy júkti áıelderdi júıeli tekserý júrgizilip, qajetti jaǵdaıda olar jedel emdeýmen qamtamasyz etilgen. 

Mekemeniń aǵa dárigeri Marııa Vessmannyń aıtýynsha, qazirgi tańda Danııada balalar AITV nemese sıfılıspen dúnıege kelmeıdi.

Danııa bul jetistigi úshin Dúnıejúzilik densaýlyq saqtaý uıymynan resmı sertıfıkat aldy.

— Danııanyń jetistigi eldegi analardyń densaýlyǵyn qorǵaý júıesiniń joǵary deńgeıin jáne kómekke muqtaj barlyq júkti áıelderge qoldaý kórsetýge qoıylǵan uzaq merzimdi maqsatty kórsetedi, — delingen Danııanyń jaqynda jetken jetistikteri jónindegi DDSU habarlamasynda.

Budan buryn Danııada 15 jasqa deıingi balalarǵa áleýmettik jelini qoldanýǵa tyıym salynatyny aıtyldy.