Danııada abaısyzda bosap ketken 80 myń balyq ekologııalyq qaýip tóndirýde
ASTANA. QazAqparat - Danııa bıligi balyqshylardan 80 myń alabalyqty aýlap berýin surady. ıÝtlandııa buǵazynda júk kemesi balyq ósirýmen aınalysatyn sharýashylyqty soǵyp, ondaǵy balyq erkindikke ketip qalǵan. Bul týraly Bı-Bı-Sı agenttigi habarlaıdy.
Mamandar salmaǵy úsh kelige deıin jetetin qubylmaly alabalyq (forel) ekologııalyq tepe-teńdikti buzyp, alabalyqtyń ózge túrleriniń ýyldyryqtaryn jeı bastaıdy dep alańdaýda.
Danııa balyqshylar qaýymdastyǵynyń múshesi Soren Knabeniń sózine qaraǵanda, osyndaı kóp balyqtyń osy mezgilde bir jerge shoǵyrlanýy qaýipti eken.
«Qazir teńiz alabalyǵy ýyldyryǵyn shashý úshin Fıýn aralyna barady, al onyń ýyldyryǵy qubylmaly alabalyqtyń súıikti azyǵy. Bosap shyqqan qubylmaly alabalyq teńiz alabalyǵynyń sońynan erip, onyń ýyldyryǵyn joıyp jiberedi», - dep túsindirdi Knabe.
Balyq ósiretin sharýashylyqty qıratqan keme reseılik bolyp shyqty. Ol Kalınıngradtan danııalyq Kollıng teńiz portyna bara jatqan.
