Danııada 2012 jyldan bergi eń kúshti jer silkinisi tirkeldi
ASTANA. KAZINFORM – Danııa astanasy Kopengagen mańynda magnıtýdasy 3,9 bolatyn jer silkinisi boldy.
Eýropa-Jerorta teńizi seısmologııalyq ortalyǵynyń (EMSC) málimetinshe, jer silkinisiniń oshaǵy Kopengagennen ońtústikke qaraı shamamen 28 shaqyrym jerde ornalasqan. Jerasty dúmpýleri kúnniń ekinshi jartysynda tirkelgen.
Jer silkinisi tek Danııa aýmaǵynda ǵana emes, kórshiles Shvetsııada, sonyń ishinde Malme qalasynda da sezilgen.
Kopengagen polıtsııasyna turǵyndardan kóptegen qońyraý túsken. Seısmologtardyń aıtýynsha, bul oqıǵa Skandınavııa elderi úshin aıtarlyqtaı sırek qubylys sanalady jáne mamandardyń erekshe nazaryn aýdarǵan.
Sondaı-aq jerasty dúmpýleri Fıýn aralyndaǵy Odense qalasynda da sezilýi múmkin ekeni habarlandy.
Bılik ókilderi zardap shekkender týraly aqparat joq ekenin málimdedi. Alaıda álsiz aftershoktar bolýy múmkin ekenin joqqa shyǵarmaı otyr.
Aıta keteıik, bul Danııa óńirinde 2012 jyldan beri tirkelgen eń kúshti jer silkinisi boldy.
Buǵan deıin Túrkııanyń ońtústik-shyǵysynda jer silkingeni habarlandy.
