Danııa úkimetin alǵash ret áıel basqarýda
ASTANA. 3 qazan. QazAqparat - Danııanyń tarıhynda alǵash ret úkimet basyna áıel adam - sotsıal-demokrattar kóshbasshysy Helle Tonıng-Shmıdt keldi.
Jańa premer solshyl tsentrıstik bıleýshi koalıtsııa qurmaq, dep habarlady RBK Associated Press-ke silteme jasap.
Premer-mınıstr H.Tornıng Shmıdt jýrnalısterge «solshyl» sotsıalıstik halyqtyq jáne tsentrıstik sotsıal-lıberaldyq partııalar ókilderimen kelissózder júrgizgenin málimdedi. Onyń aıtýynsha, jańa kabınettiń quramy búgin jarııalanady.
H.Tornıng-Shmıdt 15 qyrkúıektegi parlamenttik saılaýda onyń basqaratyn partııasy jeńiske jetkennen keıin úkimetti jasaqtaý quqyǵyna ıe boldy. Saılaýda utylǵan lıberal-konservatorlar Danııada úkimet basynda sońǵy 10 jyl boıy otyrǵan edi.
H.Tornıng-Shmıdttiń saılaýaldy baǵdarlamasynyń negizi - kiristerge salyqty azaıtý, «halyqtyq» ınvestıtsııalardy tartý jolymen ekonomıkany turaqtandyrý, sondaı-aq atmosferaǵa parnıktik gaz shyǵaryndylaryn 2020 jylǵa deıin 40 paıyzǵa qysqartý jónindegi qatań ekologııalyq sharalardy qolǵa alý bolyp otyr.
