Danııa turǵyny lotoreıadan 42 mln eýro utyp aldy
ASTANA. QazAqparat - Danııada «EuroJackpot» lotoreıasyn oınaýshylardyń biri el tarıhyndaǵy eń iri djekpot 315 mln kron (42,2 mln eýro) utty, dep habarlady Rosbalt jergilikti BAQ-qa silteme jasaı otyryp.
Utys ıesi ázirge ózi jaıly málimet bergen joq, dep málimdedi danııalyq VT basylymy. «Kim jeńimpaz bolǵanyn da bilmeımiz, utys ıesiniń ózi de ázirge bilmeýi múmkin. Árıne, áli kópshiligi kýpondaryn teksergen joq. Utysty kórgen kezde qatty tańqalary sózsiz», - dedi EuroJackpot qyzmetkerleriniń biri basylymǵa bergen suhbatynda. Baqytty bılet Helsınger qalasyndaǵy sýpermarkette satylǵan. EuroJackpot ókilderi taıaýda sol jerge barmaq. Olar utys ıesi jeńisi jaıly estisimen qustaı ushyp jetetine senimdi, dep jazady RBK.
