Danııa Tramp ákimshiligin qoqan-loqqy kórsetýdi doǵarýǵa shaqyrdy
ASTANA.KAZINFORM - Danııa premer-mınıstri Tramp ákimshiligin Grenlandııaǵa qarsy «ses kórsetýin toqtatýǵa» shaqyrdy, dep habarlaıdy 9News.
- Bizge Grenlandııa qajet, - dedi Donald Tramp jeksenbi kúni The Atlantic basylymyna bergen suhbatynda.
AQSh prezıdenti jáne onyń saıası odaqtastary Grenlandııa AQSh ulttyq qaýipsizdigi úshin mańyzdy dep málimdeıdi, biraq Venesýela kóshbasshysy Nıkolas Madýronyń tutqyndalýynan keıin bul másele ýshyǵyp ketti.
Aq úıdiń aǵa keńesshisi Stıven Mıllerdiń áıeli Ketı Mıller H áleýmettik jelisinde Amerıka týy tústes Grenlandııa kartasyn jarııalady. Astyna «Taıaýda» degen jazba qaldyrǵan.
Oǵan jaýap retinde Danııa premer-mınıstri Mette Frederıksen óziniń resmı veb-saıtynda málimdeme jarııalady.
- Men muny tikeleı AQSh-qa qaratyp aıtýym kerek. AQSh Grenlandııany basyp alýy kerek dep aıtýdyń eshqandaı máni joq. AQSh-tyń Dostastyq elderiniń eshqaısysyn anneksııalaýǵa quqyǵy joq, - dedi Mette Frederıksen.
Ol Danııa men Grenlandııanyń NATO músheleri retinde odaqpen qorǵalatynyn jáne AQSh tarapynan jasalǵan qorǵanys kelisimi elge «Grenlandııaǵa keń qoljetimdilik» beretinin atap ótti.
Premer-mınıstr sonymen qatar Danııanyń Arktıka qaýipsizdigine aıtarlyqtaı ınvestıtsııa salǵanyn málimdedi.
- Sondyqtan men AQSh-ty tarıhı jaqyn odaqtasyna, sondaı-aq satylmaıtynyn anyq aıtqan basqa elge jáne basqa halyqqa qaýip tóndirýdi toqtatýǵa shaqyramyn, - dedi Mette Frederıksen.
Danııanyń AQSh-taǵy elshisi de X-te jaýap jarııalady.
- Biz jaqyn odaqtastarmyz jáne birlesip jumys isteýdi jalǵastyrýymyz kerek. AQSh-tyń qaýipsizdigi Grenlandııa men Danııanyń qaýipsizdigimen birdeı. Grenlandııa qazirdiń ózinde NATO-nyń quramyna kiredi, - dep jazdy Iesper Meller Serensen.
Grenlandııada munaı, gaz jáne sırek kezdesetin jer elementteri sııaqty tabıǵı resýrstarǵa baı. Danııa avtonomııalyq aýmaqtyń syrtqy saıasaty men qorǵanysyna jaýapty.
Buǵan deıin AQSh prezıdenti Donald Tramptyń Venesýelanyń ýaqytsha basshysy Delsı Rodrıgeske qatań eskertý jasaǵany habarlanǵan bolatyn.