Danııa mıgranttarǵa baılanysty Germanııadan keletin poıyzdardy jibermeı otyr
ASTANA. QazAqparat - Shekarada júzdegen mıgrant ustalǵan soń Danııa Germanııamen aradaǵy temir jol baǵytyn ýaqytsha japty. Eki eldi baılanystyratyn E-45 avtomagıstralindegi qozǵalys ta toqtatyldy, dep habarlady VVS agenttigi.
Avtojolmen shamamen 300 mıgrant jaıaý soltústikke bet alǵan. Olar Shvetsııaǵa barmaq. Al, Danııanyń DSB temir jol kompanııasynyń habarlaýynsha, tólqujattardy tekserýge baılanysty 200-den astam mıgranty bar eki jolaýshylar poıyzy qazir Rodbıý portynda tur. Munda Germanııadan paromdar keledi. Danııalyq polıtseılerdiń sózine qaraǵanda, mıgranttardyń kóbi vagonnan shyǵýdan bas tartyp otyr. Óıtkeni, olar Danııada tirkeýge turýdy qalamaıdy. Sebebi, Shvetsııa sırııalyq bosqyndardyń barlyǵyna elde turýǵa ruqsat beretinin jarııalaǵan bolatyn.
Sońǵy kúnderi 1200-den astam mıgrant Germanııadan Danııa shekarasy arqyly Shvetsııaǵa ótken.
