Danııa mektepterinde kóshirýdiń aldyn alý úshin jazbasha tapsyrmalar aýyzsha qorǵalady
ASTANA. KAZINFORM – Danııada joǵary synyp oqýshylary bilim berý júıesinde jasandy ıntellekt paıdalanýdyń ulttyq strategııasy aıasynda kóshirýdiń aldyn alý úshin jazbasha tapsyrmalardy aýyzsha qorǵaýy kerek, dep habarlaıdy The Guardian.
Negizgi sharalardyń biri – negizgi jazbasha tapsyrmalardy mindetti túrde aýyzsha qorǵaýdy engizý. Jyl saıyn shamamen 9 myń mektep oqýshysy osyndaı tapsyrmalardy daıyndaıdy, endi olar óz bilimderin aýyzsha emtıhan kezinde qosymsha dáleldeýi kerek.
Bul sharalar 16 jastan asqan orta mektep oqýshylaryna qatysty bolady.
Budan basqa, mektepter oqýshylardy jazbasha tapsyrmalardy úıde emes, synypta muǵalimniń baqylaýymen tikeleı oryndaýǵa shaqyrady.
JI-di paıdalaný ulttyq strategııanyń bóligi retinde mektepter jazbasha emtıhandar kezinde oqýshylardyń kompıýter paıdalanýyn qadaǵalaıtyn quraldar engizýi kerek. Mektepter emtıhandar men sabaqtar kezinde mektep jelisindegi belgili bir resýrstarǵa qol jetkizýdi shekteý úshin súzgileý júıelerin ornatýy tıis.
Osyǵan deıin QyzPU stýdentteri pedagogterge arnalǵan AI-Lesson Study JI platformasyn ázirlegenin habarladyq.
