Danııa Espaevanyń shtaby saıası qýǵyn-súrgin qurbandaryn eske aldy

NUR-SULTAN. QazAqparat - «Aq jol» partııasynan prezıdenttikke úmitker Danııa Espaevanyń shtaby «Alashqa taǵzym» aktsııasyn ótkizdi. Oǵan partııa basshylyǵy, «Aq jol» partııasynyń depýtattary, úmitkerdiń senimdi ókilderi qatysty, dep habarlaıdy partııanyń baspasóz qyzmeti.

Saıası qýǵyn-súrgin qurbandaryn eske alý kúnine arnalǵan aktsııa «ALJIR» memorıaldy kesheni men ashtyq qurbandary eskertkishiniń aldynda ótti.

ALJIR lagerinde 18 myńnan astam áıel bolǵan. Onyń kóbi lagerdiń aýyr zardabyna shydaı almaı, sol jerde kóz jumǵan.

Keı BAQ ókilderine sensek, 30 jyldardaǵy ashtyq pen onyń saldarynan qazaq halqynyń úshten biri qaza bolǵan. «Alash» kóshbasshysy Álıhan Bókeıhannyń dereginshe, ashtyqtyń saldarynan 1924 jylǵy 6,47 mln qazaqtan 1937 jyly 2,1 mln qazaq qana qalǵan.

«Aqjoldyqtar» memorıal aldyna gúl shoǵyn qoıyp, eliniń azattyǵy úshin qaza tapqan babalardyń aýaǵyna quran baǵyshtady.