Danııa Espaevanyń shtaby Mańǵystaý jurtshylyǵymen kezdesti

NUR-SULTAN. QazAqparat - «Aq jol» partııasynan prezıdenttikke úmitker Danııa Espaevanyń respýblıkalyq shtaby saılaý naýqany aıasynda Mańǵystaý oblysyna keldi, dep habarlaıdy partııanyń baspasóz qyzmeti.

Partııa tóraǵasy Azat Perýashev EQYU Demokratııalyq ınstıtýttar jáne adam quqyqtary jónindegi Bıýrosynan kelgen kezekten tys prezıdent saılaýyn baqylaýshy Aleksandr Bedrıtskıı jáne Shıla Djagabpen suhbattasty.

Osy kúni shtab basshylary Mańǵystaý halqymen kezdesti. Kezdesýge partııa tóraǵasy, QR Parlamenti Májilisiniń depýtaty Azat Perýashev, partııa tóraǵasynyń orynbasary, QR Parlamenti Májilisiniń depýtaty Berik Dúısenbınov, «Aq jol» partııasy Mańǵystaý oblystyq fılıalynyń tóraǵasy Jańbyrbaı Mataev, fılıaldyń keńes músheleri, óńirdiń jas kásipkerleri, «Aq jol-jastar» jastar qanatynyń músheleri jáne BAQ ókilderi qatysty.

Kezdesýdi fılıal tóraǵasy Jańbyrbaı Mataev júrgizip otyrdy. Jıyn barysynda partııa tóraǵasy Azat Perýashev partııanyń baǵyt-baǵdaryn, partııa atynan prezıdenttikke úmitker Danııa Espaevanyń saılaýaldy baǵdarlamasynyń maqsattaryn tanystyrdy. Kezdesýge jınalǵandar kókeılerinde júrgen suraqtaryn qoıyp, pikir almasty.

Sonymen qatar, shtab basshylary Mańǵystaý oblysyndaǵy «Aqtaý tarnsformator zaýyty» JShS jumysymen tanysyp, qyzmetkerlerimen kezdesti.

«Aq jol» partııasynan prezıdenttikke úmitker Danııa Espaevanyń saılaýaldy úgit naýqany jalǵasýda.