Danııa Espaevanyń shtaby Aqmola vagon jóndeý zaýytynyń ujymymen kezdesti

KÓKShETAÝ. QazAqparat - Azat Perýashev bastaǵan Danııa Espaevanyń shtaby Aqmola vagon jóndeý ujymymen kezdesti. Bul týraly «Aq jol» partııasynyń baspasóz qyzmetine siltememen QazAqparat habarlaıdy.

Kásiporynǵa budan bólek QR Májilisiniń depýtattary Berik Dúısembınov pen Keńes Absatırov, partııa fılıalynyń tóraǵasy Asqar Smaǵulov, basqa da shtab músheleri qatysty.

Aqmola vagon jóndeý zaýyty 1941 jyly qurylǵan. Munda jylyna úsh myńdaı vagon jóndeıdi. Qazirgi tańda zaýytta 400-deı adam eńbek etedi.Jalpy Qazaqstanda jıyrma shaqty osyndaı zaýyt bar. Óndiris kezindegi barlyq suraqtardy kompanııa ózi sheshedi.

Aıta keteıik, QR Prezıdenttiniń kezekten tys saılaýy 9 maýsym kúni ótedi. Oǵan 7 kandıdat tirkelgen.