Danııa Espaeva Ulttyq keńes týrasynda: Prezıdent deńgeıinde sheshimder jasaldy

NUR-SULTAN. QazAqparat – Ulttyq qoǵamdyq senim keńesiniń múshesi Danııa Espaeva Ulttyq keńestiń ekinshi otyrysyndaǵy Memleket basshysynyń tapsyrmalaryna qatysty pikir bildirdi, dep habarlaıdy QazAqparat tilshisi.

«Birinshi otyrystan beri úsh aı ýaqyt ótti. Osy qysqa merzimde barlyq úsh blok usynystaryn berdi. Prezıdent Ákimshiliginde 18 otyrysy ótti. Bul óz kezeginde aýqymdy jumys atqarylǵanyn bildiredi, ıaǵnı árbir blok 30-dan kem emes usynys engizdi. Búgin Prezıdenttiń sózinen usynystardyń kóbi qabyldanǵanyn túsindim», - dedi Danııa Espaeva.

Aıta keteıik, ol Ulttyq keńestiń ekonomıkalyq blogynyń quramynda jumys isteýde.

«Ekonomıkalyq blok qamtyǵan usynystardyń kóbi boıynsha Prezıdent deńgeıinde sheshim qabyldanǵany qýantady. Sonymen qatar, saıası reformalar da nazardan tys qalmady. Ózderińiz bilesizder, qoǵamnyń damý protsesi bar. Sondyqtan partııalardy tirkeýge qatysty másele mańyzdy boldy. Búgingi otyrys barysynda biz jaqsy jańalyqty estidik, músheleri sany 20 myń bolsa, partııany tirkeý múmkindigi týraly aıtyldy. ıAǵnı partııany tirkeýde músheler sanynyń tómengi shegi eki esege azaıtylmaq», - dedi D. Espaeva.

Aıta keteıik, qazir saıası partııany tirkeý úshin onyń kem degende 40 myń múshesi bolýy kerek.

Ulttyq qoǵamdyq senim keńesiniń 2-otyrysynda QR Prezıdenti Qasym-Jomart Toqaev tirkeý úshin partııa músheleri sanynyń tómengi shegin eki esege azaıtýdy usyndy, ıaǵnı 20 myńǵa deıin.