Danııa Espaeva shtaby BQO-da «Ár adamǵa jetkizý» aktsııasyn uıymdastyrdy

NUR-SULTAN. QazAqparat - «Aq jol» partııasynan prezıdenttikke úmitker Danııa Espaevanyń Oral qalasy men Batys Qazaqstan oblysyndaǵy aımaqtyq shtabtyń uıymdastyrýymen «Ár adamǵa jetkizý» jáne «Poshta jáshigi» sharalary ótti. Bul jóninde partııanyń baspasóz qyzmeti habarlady.

Aktsııa uıymdastyrýshylary úsh kún boıy «Aq jol» partııasynan úmitkerdi qoldaýǵa baǵyttalǵan úgit materıaldaryn taratty. Іs-sharalardyń barlyǵy úmitker Espaevanyń Respýblıkalyq shtabynyń is-sharalar kestesine sáıkes ótti.

«Aq jol» belsendileri men shtab músheleri Oral qalasyndaǵy «City Center» OSO, S.Kırov atyndaǵy mádenıet jáne demalys saıabaǵy, dóńgelek aýystyrý uıymdary, kópshilik tamaqtanatyn jáne júretin oryndarda júrip qaıtty.

Mundaı sharalar Batys Qazaqstan oblysynyń Shyńǵyrlaý, Tasqaly, Jańaqala, Qaztalov, Qaratóbe, Syrym, Jánibek, Aqjaıyq, Bókeı ordasy, Bórili, Báıterek aýdandarynda da ótti.

Úmitker Danııa Espaevanyń úgit naýqany jalǵasýda.