Danııa Espaeva Petropavlda zaýyt ujymyna baǵdarlamasyn tanystyrdy

NUR-SULTAN. QazAqparat - «Aq jol» partııasynan prezıdenttikke úmitker Danııa Espaevanyń úgit toby kezdesýin Soltústik Qazaqstan oblysynda ótkizdi, dep habarlaıdy partııanyń baspasóz qyzmeti.

«Petropavl aýyr mashına jasaý zaýytynyń» ujymymen kezdesken Danııa Espaeva jumysshylarǵa óziniń saılaýaldy baǵdarlamasyn tanystyrdy.

Aıta keteıik, ónerkásip munaı-gaz, qorǵanys, energetıka salalaryna arnalǵan jabdyqtardy daıarlaıdy. Búginde ónerkásipti qaıta jańǵyrtýǵa 4,5 mlrd teńgeden asa qarjy bólinip otyr. Joba 2020 jylǵa deıin, ıaǵnı úsh jylǵa josparlanǵan. Qaıta jańǵyrý protsesi ónerkásip aýmaǵyn ulǵaıtyp, jańa ónimderdi shyǵarýǵa múmkindik beredi.

Zaýytta myń shaqty adam jumys isteıdi. «Aq jol» partııasynyń úmitkeri eńbek shartymen tanysyp, ónerkásip ujymyna qazaqstandyq kásiporyndardy, olardyń jumyskerlerin qoldaý týraly usynystaryn aıtyp berdi.

Danııa Espaevanyń saılaýaldy úgit naýqany jalǵasýda.