Danııa Espaeva pavlodarlyq kásiporyndardy aralady

NUR-SULTAN. QazAqparat - «Aq jol» partııasy atynan prezıdent saılaýyna túsip jatqan Danııa Espaeva pavlodarlyq kásipkerlermen kezdesip, máselelerin tyńdady, dep habarlaıdy partııanyń baspasóz qyzmeti.

Aımaqtyq shtab «Aq jol» partııasynan úmitker Danııa Espaevanyń qatysýymen úgit sharalaryn uıymdastyrdy.

Danııa Espaeva «Tehnoprom teks» JShS, «Merýsar jáne K» birjolǵy medıtsınalyq ónimder zaýytyna jáne «Qazenergokabel» kásipornyna bardy. «Qazenergokabel» kásiporny Qazaqstandaǵy kabel-ótkizgish ónimderin jasaý boıynsha aldyńǵy qatarda. Munda kabel men ótkizgishtiń 15 myńnan asa túrin shyǵarylady. Ónim kólemi byltyr 18 mlrd teńgeni qurady.

Zaýytta ótken kezdesýde úmitker otandyq ónerkásiptiń problemalary barlyq óńirde birdeı ekenin, memlekettiń shaǵyn jáne orta bıznesti ǵana emes, úlken kompanııalarǵa da qoldaý kórsetý qajettigin aıtty. Danııa Espaeva eńbek ujymyna óziniń saılaýaldy baǵdarlamasyn tanystyryp, onda usynylǵan birqatar sharalardy atap ótti. Jıyn barysynda zeınet jasy, baspanamen qamtamasyz etý syndy áleýmettik máseleler kóterildi.

Osyndaı kezdesý «Merýsar jáne K» zaýytynda da ótti.

Sondaı-aq, oblystyq kitaphanada Danııa Espaeva men respýblıkalyq shtab jetekshisi Azat Perýashev jurtshylyqqa saılaýaldy baǵdarlamany tanystyrdy. Úmitker jınalǵandardyń suraqtaryna egjeı-tegjeıli jaýap berip, ótinishter nazarda ustaıtynyn eskertti.