Danııa Espaeva óz tańdaýyn jasady
«Aq jol» partııasynyń ókili saǵat №66 mektepte ornalasqan №113 saılaý ýchaskesinde daýys berdi. Dál osy ýchaskede tańerteń taǵy bir úmitker Jambyl Ahmetbekov daýys bergen bolatyn.
«Barlyq kandıdattar sııaqty búgin men úshin de mańyzdy kún. Bir aı boıǵy uıqysyz jumystyń nátıjesi shyǵady. Osy ýaqyt aralyǵynda meni qoldap, úgit jumystaryn júrgizgen shtab múshelerine, partııalastaryma jáne halyqqa alǵys aıtqym keledi», - dedi úmitker.
Danııa Espeva óziniń Qazaqstan tarıhyndaǵy Prezıdentikke úmitker tuńǵysh áıel ekenin de eske aldy.
«7 úmitkerdiń ishinde jalǵyz názik jandy retinde úlken jaýapkershilik boldy. Jaqtastarymmen birge ol jaýapkershilikti de abyroımen atqardyq dep oılaımyn. Qazaqstan tarıhyndaǵy tuńǵysh áıel kandıdat retinde tirkelýim meniń alǵashqy jeńisim bolatyn», - dedi kandıdat.
Eske sala keteıik, búgin Qazaqstan Prezıdentin kezekten tys saılaý bastaldy.
QR Prezıdentiniń kezekten tys saılaýynda el ishinde jáne shet elderde 9 968 daýys berý ýchaskesi jumys isteıdi. Saılaý týraly Konstıtýtsııalyq zańǵa sáıkes, daýys berý ýaqyty standartty (saǵat 7.00-20.00 aralyǵy) bolady.
