Danııa Espaeva memlekettik til emtıhanyn tapsyrdy

NUR-SULTAN. QazAqparat - QR Prezıdenttigine kandıdattyń memlekettik tildi meńgerý deńgeıin anyqtaıtyn lıngvıstıkalyq komıssııa múshesi Seıit Qasqabasov atalmysh laýazymǵa úmitker Danııa Espaevanyń emtıhan nátıjesin jarııalady, dep habarlaıdy QazAqparat tilshisi.

Danııa Espaevanyń kandıdatýrasyn «Aq jol» demokratııalyq partııasy usynǵan bolatyn.

«Úmitker Danııa Mádıqyzy Espaeva birinshi tapsyrmada «Uly dalanyń jeti qyry» taqyrybyn tańdap aldy. Bul - jazbasha jumys. Ekinshi kezeńde Muqaǵalı Maqataevtyń «Amanat» kitabyn tańdap aldy. Úshinshi tapsyrma boıynsha berilgen taqyrypqa 15 mınýt sóz sóıleýi kerek. Munda úmitkerge «Qoǵam jáne demokratııa» taqyryby berildi», - dedi Seıit Qasqabasov Ortalyq saılaý komıssııasynda ótken brıfıngte.

Lıngvıstıkalyq komıssııa úmitker jumystaryn jan-jaqty talqylap, tómendegideı qorytyndyǵa keldi.

«Úmitker emtıhanǵa berilgen óz ýaqytyn tolyq paıdalandy. Jazbasha jumysynda Danııa Espaeva taqyrypty jaqsy meńgergen, saýatty, tereń taldaý jasaǵan. Ekinshi tapsyrma boıynsha, ol M. Maqataevtyń eki óleńin oqydy. Qazaq tiliniń normasyna saı sózderdi anyq aıtyp, oıyn jetkize bildi. Úshinshi tapsyrma boıynsha «Qoǵam jáne demokratııa» taqyrybynda 15 mınýt sóıledi. Ózin saıası jaǵynan tanytyp, qoǵamnyń hal-ahýalyn jaqsy biletinin kórsetti. Bizdiń suraqtarymyzǵa jaýap berdi. Komıssııa músheleri daýys bere kele, «Danııa Mádıqyzy Espaeva memlekettik tildi erkin meńgergen» degen qorytyndyǵa keldik», - dedi S. Qasqabasov.

Buǵan deıin Dáýren Abaev Danııa Espaevanyń saılaýǵa qatysýyn «Qazaqstan áıelderiniń úlken jeńisi» dep baǵalaǵan bolatyn.

Eske sala ketsek, Qazaqstanda kezekten tys prezıdent saılaýy 2019 jyldyń 9 maýsymynda ótedi. Osy ýaqytqa deıin usynylǵan kandıdatýralar: «Nur Otan» partııasy atynan Qasym-Jomart Toqaev, «Aq jol» demokratııalyq partııasynan - Danııa Espaeva, «Uly dala qyrandary» respýblıkalyq qoǵamdyq birlestigi atynan - Sádibek Túgel, «Qazaqstan Respýblıkasynyń kásipodaqtar federatsııasy» Respýblıkalyq kásipodaqtar birlestiginen - Amangeldi Taspıhov, Qazaqstannyń Kommýnıstik Halyq partııasynan - Jambyl Ahmetbekov, «Aýyl» halyqtyq-demokratııalyq partııasynan - Tóleýtaı Rahymbekov jáne «Ult taǵdyry» qozǵalysy atynan - Ámirjan Qosanov.

Aıta keteıik, QR Prezıdenttigine úmitkerlerdi usyný 28 sáýir kúni, QR OSK-da tirkeý protsedýralary 11 mamyrda aıaqtalady.