Danııa Espaeva «Qazaqstan Paramaýnt Injınırıng» ujymymen kezdesti
«Aq jol» partııasynan Prezıdenttikke úmitker óziniń saılaýaldy baǵdarlamasyn qorǵanyc salasyndaǵy elimizdiń iri ónerkásip ujymyna tanystyrdy. Zaýyt qazaqstandyq ásker men áskerı kúsh qurylymdaryn bronetehnıkamen qamtamasyz etedi.
Danııa Espaeva tsehtyń jumysyn kórdi, kásiporyn jumysshylarynyń qoıǵan saýaldaryna jaýap berdi. Saılaýshylar nesıelerdiń joǵary mólsherlemesi men memlekettik tapsyrystardyń merzimine qatysty suraqtar qoıdy.
Keshe Prezıdenttikke taǵy bir úmitker Ámirjan Qosanovtyń senimdi ókilderi mańǵystaýlyqtarǵa kandıdattyń saılaýaldy tuǵyrnamasyn tanystyrǵan bolatyn.
Qazaqstan kommýnıstik halyq partııasy atynan QR Prezıdenttigine kandıdat Jambyl Ahmetbekovtiń Qyzylorda oblystyq saılaýaldy shtaby qalalyq avtobýs parkiniń eńbek ujymymen kezdesti.
Al kandıdat Amankeldi Taspıhovtyń senimdi ókilderi Qyzylorda oblysynyń Qazaly aýdanynda ornalasqan «Agro-Órken» JShS jumysshylarymen kezdesti.
«Aýyl» partııasy atynan prezıdent saılaýyna túsip jatqan Tóleýtaı Raqymbekovtiń senimdi ókilderi Pavlodarda «Saǵyp» sharýa qojalyǵyna baryp, jergilikti turǵyndarmen kezdesti. 
