Danııa Espaeva Qaraǵandy jurtshylyǵymen kezdesti

QARAǴANDY. QazAqparat - «Aq jol» demokratııalyq partııasy atynan prezıdenttikke úmitker Danııa Espaeva Qaraǵandy óńirinde kezdesý ótkizdi, dep habarlaıdy QazAqparat partııanyń baspasóz qyzmetine silteme jasap.

Іs-sharaǵa partııa tóraǵasy Azat Perýashev, Májilis depýtaty Erlan Barlybaev, partııa tóraǵasynyń orynbasary Dmıtrıı Vasılev qatysty.

Kezdesý barysynda qaraǵandylyq kásipkerler Danııa Espaevanyń saılaýaldy baǵdarlamasymen tanysyp, óz oılarymen bólisti. Jıynda eldegi shaǵyn jáne orta bıznesti damytý, kásipkerlikti qoldaý jáne salyqty azaıtý sekildi máseleler qozǵaldy. Kásipkerler aımaqtaǵy jeke bıznestiń ahýalyn aıtyp túsindirdi.

Osy kúni «aqjoldyqtar» prezıdenttikke úmitker Danııa Espaevanyń saılaýaldy baǵdarlamasyn Qaraǵandy týrbomehanıkalyq zaýytynda da tanystyrdy. Kásiporyn jylý elektrostantsııa qurylǵylaryn jóndeý, qosalqy jabdyqtaryn daıarlaý salasynda 25 jyldan astam ýaqyt jumys isteıdi. Osy jyldar aralyǵynda túrli qýattaǵy tórt júzdeı týrbına jóndeýden ótti.

Zaýyt jumysshylarymen kezdesý barysynda úmitker otandyq bıznesti qoldaý, ishki naryqta qazaqstandyq kásiporyndarǵa basymdyq berý týraly óz oılarymen bólisti. Saılaýaldy shtab músheleri kópshilikti mazalaǵan suraqtarǵa jaýap berdi.

Aıta keteıik, «Aq jol» partııasynan prezıdenttikke úmitker Danııa Espaevanyń úgit naýqany jalǵasýda.