Danııa Espaeva Ekibastuz jurtshylyǵymen kezdesti

NUR-SULTAN. QazAqparat – «Aq jol» partııasynan prezıdenttikke úmitker Danııa Espaeva Pavlodar oblysynyń halqyna óziniń saılaýaldy baǵdarlamasyn tanystyrdy. Bul jóninde partııanyń baspasóz qyzmeti habarlady.

Danııa Espaeva Ekibastuz qalasynda boldy. Munda úmitkerdiń úgit toby jergilikti kásipker, energetık jáne áleýmettik saladaǵy jumyskerlermen kezdesti.

Ekibastuzda energetıka, kómir ónerkásibi, baǵaly metaldardy óndirý salalary jaqsy damyǵan. Búgingi tańda qalada 8 myńdaı shaǵyn jáne orta bıznes nysany bar. Danııa Espaeva saılaýaldy baǵdarlamasy jóninde áńgimelep, qujatta aıtylǵan máselelerdi aıtyp ótti. Kezdesý barysynda turǵyndar áleýmettik máselelerdi kóterdi. Ekibastuzda halyq sany 150 myńnan asady. Munda metallýrg, ınjener, shahterlerdiń áýleti turady. Alaıda, qala turǵyndarynyń sózinshe, sońǵy jyldary mektep bitirýshiler kórshi memleketke oqýǵa túse bastaǵan.

Ekibastuzda úmitker jergilikti ónerkásip pen áleýmettik obektilerge de bardy. Kezdesý barysynda Danııa Espaeva árbir qazaqstandyqtyń 9 maýsymdaǵy saılaýda daýys berýi kerektigin aıtty.

«Aq jol» partııasynan prezıdenttikke úmitker Danııa Espaevanyń úgit naýqany jalǵasýda.