Danııa Espaeva «Aq jol» partııasynyń tóraǵasy bolyp saılandy
Májilis tóraǵasynyń orynbasary Danııa Espaeva «Aq jol» demokratııalyq partııasynyń jańa tóraǵasy bolyp saılandy.
Onyń kandıdatýrasyn partııanyń burynǵy tóraǵasy Azat Perýashev usyndy.
— Qarjyger, bankır, Májilis tóraǵasynyń orynbasary. Danııa Espaeva óz esimin Qazaqstannyń saıası tarıhyna engizip úlgerdi. Ol 2019 jyly Qazaqstan Prezıdenttigine kandıdat bolǵan elimiz tarıhyndaǵy alǵashqy áıel. Parlamenttik oppozıtsııa týraly, zańsyz shyǵarylǵan aktıvterdi qaıtarý týraly, jeke tulǵalardyń bankrottyǵy, bankter týraly zańdardyń, Kásipkerlik kodekstiń jáne jańa Konstıtýtsııanyń qabyldanýyna baılanysty azamattarǵa raqymshylyq jasaý týraly zań jobalarynyń avtorlarynyń biri. Sonymen qatar ol — Májilis tarıhyndaǵy parlamenttik oppozıtsııa qatarynan saılanǵan alǵashqy áıel vıtse-spıker, — dedi Perýashev.
Daýys berý qorytyndysy boıynsha delegattar Danııa Espaevanyń kandıdatýrasyn qoldady.
Eske salaıyq, buǵan deıin Azat Perýashev «Aq jol» partııasy tóraǵasy qyzmetinen ketetinin málimdegen bolatyn.
