Danııa azamatshasy bir jyl ishinde jigitine 65 myń ret qońyraý shalǵan
ASTANA. 15 qyrkúıek. QazAqparat - Jigitine jylyna 65 myń ret - orta eseppen kúnine 178 ret qońyraý shalǵan 42 jasar Danııa azamatshasy sot aldynda jaýap beretin boldy, dep habarlaıdy VVS.
Buǵan deıin er azamat polıtsııaǵa júginip, atalmysh áıel ony telefon qońyraýlarymen, SMS habarlamalarmen jáne elektrondyq hattarmen mazasyn alǵany úshin shaǵymdanǵan bolatyn.
Advokattarynyń sózine qaraǵanda, áıel adam zardap shekken azamatpen jaqyn qarym-qatynasta bolǵanyn jáne óziniń shekten shyqpaǵanyn alǵa tartyp aqtalýda. Alaıda 62 jasar azamat onymen qandaı da bir baılanysta bolǵanyn joqqa shyǵaryp otyr.
Polıtsııa qyzmetkerleri tintý barysynda azamatshanyń úıinen uıaly baılanys nómiri men birneshe kompıýter tárkilegen.
Habarlanǵandaı, sýdıa bastapqy sot tyńdaýlarynda áıeldi eger ol shaǵymdanǵan azamatty jaıyna qaldyratyn bolsa bosatatynyn málimdegen bolatyn. Alaıda, ol bostandyqqa shyǵyp úlgermesten, bir-eki saǵattan keıin burynǵy ádetine basyp, shaǵymdanýshyǵa qaıta habarlasqan.
Qazir buzaqy áıel qamaýǵa alynyp, Gaagada ótetin sotqa kelýge mindetteldi. Ázirge sot úrdisin úsh sýdıa júrgizetindigi jóninde másele áli qarastyrylý ústinde. Sot otyrysynyń kúni de belgilenip úlgergen joq.
