Danılına juptyq synda qarsylastaryn senimdi utty
ASTANA. KAZINFORM — Juptyq synda Qazaqstannyń birinshi raketkasy Anna Danılına Frantsııa ashyq chempıonatyndaǵy jolyn sátti bastady. Bul týraly QTF málimdedi.
Starttyq kezdesýde otandasymyz (WTA juptyq reıtınginde 6-oryn) serbııalyq Aleksandra Krýnıchpen birge Chehııa ókilderi Djessıka Malechkova men Mırıam Shkoh tandemin aıqyn basymdyqpen utty. Jarystyń 2-shi nómirli juby sanalǵan Danılına men Krýnıch alǵashqy geımderden-aq bastamany óz qoldaryna alyp, mańyzdy upaılarda qatesiz oınady. 1 saǵat 25 mınýtqa sozylǵan match 6:4, 6:1 esebimen aıaqtaldy.
Ekinshi aınalymda olar Maııa Djoınt (Avstralııa) / Henne Vandevınkel (Belgııa) halyqaralyq dýetine qarsy kortqa shyǵady.
Anna Danılına áıelder arasyndaǵy básekeden bólek, Parıjde mıkst (aralas synda) baǵdarlamasynda da baq synaıdy. Bul synda onyń serigi amerıkalyq Djeı-Djeı Treısı bolmaq.
Qazirgi ýaqytta Anna Danılına men ıÝlııa Pýtıntseva Frantsııa ashyq chempıonatynyń áıelder arasyndaǵy jarysynda el namysyn qorǵap jatqan sońǵy tennısshilerimiz. Esterińizge sala keteıik, buǵan deıin ulttyq qurama kóshbasshysy Elena Rybakına ekinshi aınalymda jeńilip, týrnırdi merziminen buryn aıaqtaǵan bolatyn.
Eske sala keteıik, buǵan deıin qazaqstandyq tennısshi Anna Danılına Frantsııanyń Strasbýrg qalasynda ótip jatqan WTA 500 sanatyndaǵy týrnırdiń jartylaı fınalyna shyqqan bolatyn.
