Danıl Vasılev shańǵymen tuǵyrdan sekirýden jazǵy álem kýbogynda ekinshi oryn aldy
ASTANA. KAZINFORM - Polshanyń Vısla qalasynda ótip jatqan shańǵymen tuǵyrdan sekirýden jazǵy álem kýbogynda qazaqstandyq Danıl Vasılev 2-oryn aldy.

QR Týrızm jáne sport mınıstrligi Sportty damytý dırektsııasynyń baspasóz qyzmetiniń habarlaýynsha, otandasymyz fınalda barlyǵy 119.3 upaı jınady. Bul saıysta aýstrııalyq Nıklas Bahlınger top jarsa, úzdik úshtikti Vladımır Zogfarskı túıindedi.
Aıta ketsek, atalǵan kórsetkishtiń nátıjesinde Danıl Vasılev 2026 jylǵy Mılan Olımpıadasynyń lıtsenzııasyna taǵy bir taban jaqyndaı tústi. Vıslada qol jetkizgen upaılar onyń Halyqaralyq shańǵyshylar federatsııasynyń reıtıngindegi ornyn jaqsartty.
Eske salsaq, aqpan aıynda Danıl Vasılev Polshanyń Zakopane qalasynda shańǵymen tuǵyrdan sekirýden jeńis tuǵyrynan kórindi.