Danıl Vasılev Rýmynııadaǵy Gran-prı týrnırinde júldeger atandy
ASTANA. KAZINFORM – Rýmynııanyń Ryshnov qalasynda ótip jatqan shańǵymen tuǵyrdan sekirýden Gran-prı kezeńinde qazaqstandyq Danıl Vasılev qola júlde aldy, dep habarlaıdy QR Týrızm jáne sport mınıstrligi Sportty damytý dırektsııasynyń baspasóz qyzmeti.
Jarys qorytyndysynda Danıl 233,5 upaı jınap, úzdik úshtikti túıindedi.
Básekede birinshi oryndy AQSh sportshysy Djeıson Kolbı (244,9 upaı) ıelendi. Ekinshi orynǵa Polsha ókili Pavel Vasek (234,1 upaı) jaıǵasty.
Sondaı-aq dál osy baǵdarlamada synǵa túsken taǵy bir otandasymyz Ilıa Mızernyh 219,6 upaımen 15-orynnan kórindi.
Aıta keteıik, Azııa oıyndarynda Qazaqstan quramasynyń 21 qyrkúıektegi jarys kestesi jarııalandy.
