Danıl Musabaev batýttyq gımnastıkadan olımpıada joldamasyna ıe boldy

ASTANA. KAZINFORM — Qazaqstan komandasy batýttyq gımnastıkadan olımpıada joldamasyna ıe boldy.

Olympic.kz saıtynan alynǵan málimetke qaraǵanda, Kotbýsta (Germanııa) ótken álem kýbogi kezeńindegi jarys qorytyndysyna sáıkes Danıl Musabaev olımpıada joldamasyna qol jetkizdi.

Germanııadaǵy álem kýbogi kezeńinde ol 47-orynnan kórindi. Biraq bes álem kýbogi kezeńiniń ekeýinde kórsetilgen úzdik nátıjeler esepke alynady.

Osylaısha, sporttyń bul túri boıynsha olımpıadaǵa irikteý aıaqtaldy. Parıjde 16 er jáne 16 áıel óner kórsetedi. Elder boıynsha Qazaqstan 14-satyǵa shyqty.