Danıal Axmetov sý tasqyny týraly: Muzǵa ketken trotılmen 1,5 myń tankini jarýǵa bolatyn edi
ASTANA. QazAqparat - Shyǵys Qazaqstan oblysynyń ákimi Danıal Axmetov sý tasqynyna ketken shyǵyndardy jarııalady, dep xabarlaıdy QazAqparat tilshisi.
«Zyrıan, Glýbokoe jáne Aıagóz aýdandarynda bolǵan sý tasqyny sońǵy 50 jylda alǵash ret bolyp otyr. Buqtyrma ózenindegi muzdyń qalyńdyǵy eki metrden asty. Ony jarýǵa biraz kúsh ketti. Sodan birneshe saǵattyń ishinde sýdyń deńgeıi eki jarym metrge tómendedi. Ol Maleevka kentindegi jaǵdaıǵa qatysty. Aıtpaqshy, muzdy jarýǵa 17 tonna trotıldy jumsadyq. Onyń qanshalyqty kóp ekenin túsindirý úshin bir ǵana mysal keltireıin, tankterge qarsy mınalarda 11 keli trotıl bolady. Onymen 60 tonnadan asatyn temirdiń byt-shytyn shyǵarýǵa bolady», - dedi D.Axmetov Úkimet otyrysynan keıin jýrnalısterge bergen suxbatynda.
Oblys ákimi jarylǵysh zattardy qoldaný kezinde Semeıde úı shynylarynyń synǵanyn da rastady. Búginde barlyq terezeler qalpyna keltirilgen.
Danıal Axmetovtyń sózine qaraǵanda, búginde Shyǵys Qazaqstan oblysyna qosymsha 3,2 mlrd teńge kerek. Osyǵan baılanysty tıisti qujattar Úkimetke jiberildi. «Osy ýaqytqa deıin biz jergilikti bıýdjetten shamamen 500 mln teńgeden astam qarjy jumsadyq. 172 úıdi jóndep jatyrmyz. 34 úı jóndeýge kelmeıdi. Qazir ony satyp aldyq. Sosyn 500 úıdiń jobalyq-smetalyq qujattaryn ótkizdik», - dep atap kórsetti D.Axmetov.
